O libro narra a amizade entre Mary Anning (unha rapaza pobre e sen estudos) e a arisca Elizabeth Philpot (unha muller de clase media), dúas coleccionistas de fósiles inglesas do século XIX. Aínda que as duas viñan de mundos diferentes, compartían unha afección común: a busca de fósiles nas praias de Lyme Regis, unha actividade non moi ben vista para dúas señoritas da época. Foron dúas persoas relevantes e pioneiras no campo dos fósiles e da paleontoloxía. Os seus descubrimentos permitiron á xente darse conta de que os animais existían na Terra hai moitos millóns de anos e, polo tanto, a versión da creación da Biblia non debería tomarse literalmente.